有一個frd （我覺得frd ≠ 朋友，朋友多嘢啲），識佢同佢第一個女朋友，跟住唔知點解佢地分咗手
再之後，見過佢第二個女朋友，在之後，就係有一次聚舊，佢約，但之前嗰晚臨時話到唔到
問佢，佢話，因為想陪多啲新一個重未係女朋友、患咗絕症嘅女仔
well，個女仔唔係重點，重點係，佢話佢同佢第二任女朋友分手，係因為識咗個佢覺得更加好嘅女仔
跟住我就諗，唔係下哇，見到個好啲嘅竟然可以係分手理由？！呢個人真係好有問題
跟住呢，我又諗，好多時睇書，啲人問提出分手嘅另一半，你係唔係有更好嘅對象？
點解會咁諗呢？因為以己度人？如果自己有一個更好嘅，都會掉低對方？
咁如果對方唔係夠好，點解當初要喺埋一齊？真係有咁空虛？
啲分咗手嘅人打聽對方下任，係唔係如果嗰個人差過自己，心入面會好過啲？
但係，唔係下任條件差啲，會比較係真愛咩？
太生物啦
